22.11.12

Verry Small Cameras - Nikon 2012

لمحبي نيكون .. كامرتين جميلتين و الوانهم جميله .. اول وحده فيها زوم ونفس الكبيره بس على اخف طبعا .. و بالوان جميله .. الوردي خطير .. بس ترا  الرزلوشن اقل من الكبيره بوايد ترا .. و الثانيه عنونه هم و ظعيفونه وايد وايد يمكن اصغر كامره شفتها من الماركات المشهوره .. هذي تصلح حق السفرات و الصور السريعه و تنحط بالمخبا او بالجنطه .. والوانها بعد جميله
 

 

 

17.11.12

Dinner at Capurro's - Sea Food Restaurant

هذا احلى واقوى و الذ مطعم بحري في سان فرانسيسكو علشان جذي رديت له و طلبت نفس الطبق اللي ذاك اليوم طلبته .. المطعم وايد نظيف و اكله لذيذ .. حبيته من كل قلبي .. وشكرا شكرا



Cute Dog

كلب جميل .. كيوت .. بتمبه و شعره مغطي عينه هيهيههيه مايشوف حبيبي .. جميل


California Sea Lions at Pier39





Lovely Raining Day - San Francisco

يوم جميل و ممطر .. الجو فيه ابداع و يمدحون الكوفي الصباحيه عالبحر بهالايام




Bay Bridge In The Evening - San Francisco


 

14.11.12

Beverages - Alaska Airlines

من الاشياء اللي حبيتها بخطوط الاسكا .. اهي الكوفي اللي يوزعونها علينا .. كانت ستاربكس حبيب القلب .. وشكرا شكرا



Flying to San Francisco- Alaska Airlines

هذي الصور للغيوم الجميله واحنا طايرين من سياتل الى سان فرانسيسكو عن طريق خطوط الاسكا .. وشكرا شكرا



 

Lunch at Anthonys Fish Bar - Seattle Airport

شوقني المطعم البحري هذا لما شفتهم يشوون السمجه على الفحم .. و طلبت منه نفس السمجه اللي تنشوي قالي ترا هذي قطعه سمج تنحط فوق السلطه .. قلت له شنو السمجه قال سلمون .. العاده السلمون يكون زفر بس اشوه طلعت لذيذه وايد .. اللي يحب السي فود خل يطلبها من المطعم اللي بالمطار او اي فرع لهم المهم نفس المطعم .. وشكرا شكرا


leaving Seattle

حان وقت مغادره سياتل و التوجه الى سان فرانسيسكو على متن طائره خطوط الاسكا .. وشكرا شكرا
 

13.11.12

Relaxing Bathtub at 1000 hotel - Seattle

الحين و بعد اللويه و الطردي و بما ان باجر راح نغادر سياتل ونتجه الى سان فرانسيسكو .. فاحتاج اني اتنقع مده طويييييله في الباث توب .. علشان اريح جسمي شوي .. و شكرا شكرا

هذا اللنك الخاص بالفندق علشان مو تقولون لي وين الباثتوب هذا .. كاهو هني

Starbuucks Chrismas - Seattle

منتجات ستاربكس للكريسمس وايد .. و حلوه .. في شغلات تكون ليميت ايدشن حاصه بالولايه او المكان نفسه و في شغلات متوفره بكل الاماكن .. هذي الشغلات اللي موجوده بستاربكس صورتها لكم .. شريت منه النكهات اللي بعلبه وحده .. و السليف اللي تحمي من حراره الكوب و طبعا طلبت الموكا اللي عجبتني على نعناع بما ان الجو ممطر و بارد .. وشكرا شكرا
 








 
 

Dinner at Serious Pie - Seattle

هذا المطعم يقدم معجنات لذيذه و مشهور بسياتل .. طلبت منه بيتزا بالجبن و المشروم .. بس ماحبيتها وايد اختياري كان فاشل .. و رفيجتي طلبت منه مارغاريتا كانت وايد لذيذه انصحكم فيها .. و طلبنا مع البيتزا سلطه بينا احنا الثنتين .. كانت حلوه السلطه .. ملاحظه .. البيتزا الوحده تكفي شخصين .. انا ماكليت الا قطعتين لاني كنت يوعانه و الباجي تم على عداله ماحبيت المشروم كلش .. مادري شنو نوع مشرومهم مو بورتابيلو ولا العادي الابيض الصغار .. نوع يديد علي نكهتة وايد قويه .. وشكرا شكرا






Public Market Center in Seattle at Night - Pike Market


Starbucks New Coffe - Seattle

هذي وحده توزع عيينه مجانيه من القهوه اليديده اللي عندهم .. حبيتها .. القهوه طعمها نعناع منعش مع ككاو و كوفي .. احتمال اطلبها بالليل .. اللي يبي يجربها اسمها
Peppermint Mocha
 
وشكرا شكرا


Ride the Ducks Tour - Seattle

هذي السياره البرمائيه .. تاخذكم بجوله بشوارع سياتل .. تالي تطب فيكم في بحيره سياتل تفتر .. ويشرحون لكم فيها اهم المعالم و الاماكن بطريقه حلوه و مظحكه تخلي الواحد يندمج مع اللي يشرح .. السايق اهو اللي يشرح .. عاد انتوا وحظكم ان طلع صغيرون خفيف طينه فحظكم حلو .. وان ياكم واحد شايب و دمه ثقيل انصحكم تبدلون الوقت هيهيهيههييه .. وشكرا شكرا