27.6.10

اغنية شاكيرا طلعت مبيوقه

وصلني هالايميل و ظحكوني الصراحه .. دشيت اللنك و شفت الاغنيه ولا فعلا طلعت من التراث بس مستحيل يكون هذا تراث سعودي .. اكيد في شي غلط .. بالله من متى كانت هالكلمات عربيه ولا تمت للعرب بصله :\

شفت التعليقات .. ولقيت واحد من المعلقين كان كلامه رزين و عجبني .. واللي يقول فيه:
"معروف أن الأفارقة ملوك الإيقاع في كل مكان وتأثيرهم في الفنون في المنطقة الغربية والشرقية وبعض المناطق الجنوبية لا يخفى على أحد .. وحتى اليوم تجد دلائل أفريقية واضحة لدى لاعبي الإيقاع في الألوان التي يُصبغ بها الدفوف والطيران والنقرزان (ألوان الراستا الشهيرة) الأحمر والأصفر والأخضر وتمازج الثقافات وتداخل التراث ليس عيبا وإنما دليل قدرة الثقافة المحلية على استيعاب غيرها وإضافته إلى مخزونها الثقافي ولذلك يزدهر الفن في هذه المناطق ويزداد أصالة"

حلو الرقي بالتعامل .. فرق بين هالرد وباجي الردود اللي قريتها الصراحه انسان محترم
وهذا المقطع حق اللي يبي يشوفه .. بيني وبينكم عجبتني دقه المزمار .. حبيتها .. ترقص
وشكرا شكرا

23.6.10

My Flavor Wave Turbo Oven

راح اتكلم عن فرني العجيب .. سميته بهالاسم لانه فعلا عجيب .. مو طبييييعي حده .. ليش؟ .. لان يسوي الستيك و الدياي المشوي بسرعه .. و بنفس الوقت مستوي مو ني .. (حسب الذوق طبعا) .. المهم الحلو فيه انه مافيه خطر نفس المكرويف لانه يشتغل على الهالوجين .. يعني صحي .. و اقدر اسوي فيه كل شي .. من اكل لي حلويات لي شي خفيف لي تسخين .. و مايقث بالغسال لان واهو بمكانه بس احط فيه صابون و ماي و يغسل بروحه .. بعدين اشطف الماعون (الفرن نفسه عباره عن ماعون عود) بماي
اللي خلاني اتشيش عليه واشتريه اني كنت اتابع قناه هيا .. فجاه ولا تطلع دعايته ..اللي مسويها مستر تي وفيها ستيك .. وكنت يوعانه و الستيك من الاكلات المفضله عندي .. فتشيشت عليه .. ومابقى احد ماقلت له عنه .. عاد عقب جم شهر طلبته (لازم اطول بالشغله اللي بطلبها على ما افكر عدل )

هذي الدعايه اللي شفتها youtube link

وهذي بعض الاكلات السريعه جدا اللي سويتها بالفرن .. ونسيت لا اقول نقطه مهمه جدا .. ترى ممتاز حق اللي مايعرفون يطبخون مثلي وشرواي :$
وشكرا شكرا




رائعة من روائع السيدة فيروز..زعلي طول أنا وياك

زعلي طول أنا وياك
و سنين بقيت
جرب فيهن أنا إنساك
ما قدرت نسيت
لو جيت نهار عابيتي لقيت
إنك حبيبي بغيابي جيت
بتشوف إن ما مرقوا إلا إيديك على هالبيت
كإنك حبيبي و أنت عينيك هلق فليت

youtube link

21.6.10

The coolest man in Bahrain

Can u see he's smile? That was the most beautiful smile from a very optimastic person .. That Pakistani man work in Bahrain city centre .. And I respect him because of his smile. So keep smile to earn a smile in return then an optimastic will find its way to you :) Sent From Blackberry®.

19.6.10

Turkish coffee maker

من جم يوم كنا نتمشى بسيتي سنتر (البحرين) فشفنا هالمكينه .. و بما اننا نحب الكوفي .. شدت انتباهنا .. الله يسلمكم .. هالمكينه تسوي تركش كوفي .. تحطون لها ماي حار و البن و إذا تبون شكر .. و بس .. تطلع مضبوطه و مع " الوش" على قولتهم.

سعر هالمكينه ١٤٥ دينار بحريني .. تقريبا كويتي 11٥.
و شكرا شكرا.

إي نسيت لا أقول .. بنك بيري بالبحرين منزلين نكهه جديده على شاي أخضر .. مادري إذا في بالكويت ولا لأ .. بس انصحكم تجربونه ياحبذا لو بدون نكهات علشان تحسون بالانتعاش عدل.
و هم شكرا شكرا

Sent From Blackberry®.

كهربتنا كهربت كهربتكم وكهربتكم كهربت كهربتنا

انا بكتب هالموضوع من القهر بس والا العادة طاف ... لكن الفساد وصل حده ... والاهمال صار يبجي ... ردة فعل هالمواطن بالصورة المرفقة بهالموضوع اهيا سبب كتابتي لهذه الرسالة ... وصل حال هذا المواطن ان يكتب احتجاجه على منزله بالدعاء الى الله عز وجل يشمل بدعاءه الحكومة والبرلمان ووزير الكهرباء خاصة ...يطلب انقطاع الكهربا عن بيوتهم " اللهم تقبل "
الفتره الحالية هي شهر ستة يونيو ونحن على مشارف شهر سبعه يوليو والياي اقشر وهو شهر اغسطس ثمانية الجهنمي ... ودرجات الحرارة وصلت الستين والناس امتحانات ... تدرون شنو امتحانات ؟؟ يعني البيت الكويتي مستنفر... مستقبل الابناء وحصاد ثمان عشر سنه من تعب الوالدين مركز في هذه الفترة ... تخيل تطفي الكهربا ... بالقطع المبرمج ... احنا الحين بعام 2010 للاشخاص الذين سيقرأون هذا الموضوع لاحقا ... طبعا هذا حالنا من عقب الغزو وقبله بسنوات ... مشكلة انقطاع الكهرباء كل سنة ونفس الحزة ... وكل عام تطلق وزارة الكهرباء حملة ترشيد ترصد لها الملايين ... طبعا الحملة مالها اي معنى وتبذير عالفاضي وضحك على البشر وسرقة اموال الدولة ... ليس لانها مو ضرورية فقط؟؟ ولكن لانها تدار بسذاجة شديدة حتى ان مجلةحائط صحفية بمدرسة افضل منها الف مرة على الاقل فيها صدق ... اما حملات الترشيد الحالية فهي حملة لا تليق الا برياض الاطفال " يا شطار لا تصرفون كهربا ترا ياكلكم الذيب اللي بالغابة " ما اقول الا " مالت " كما تقول شريكتي نون بهالبلوق العتيد ...
ولكن وين المشكلة ؟؟؟
انا اقولكم ... المشكلة مافي رجل قرار ... وزارة الكهرباء كسائر وزارات الدولة الاخرى ... فيها فساد وتخلف وجهل ومحسوبية وهذا عادي تعودنا عليه ... ونواب مجلس الامة ذكروا ما قلت في اكثر من مناسبة ... ولكن لم اسمع يوما ان نائبا احتج على بناء محطة كهربا جديدة ... ولا مدرسة جديدة ... ولا مستشفى جديد ...ولا على عقود مع اطباء ذو كفاءة ... ولا احتجو على شارع جديد ولا منطقة اسكانية جديدة ... طيب الخوف من المسائلة راح يا وزير ...
السؤال للوزير : تحت ايدك ملايين ان لم تكن مليارات ...مالذي يمنع من انشاء محطة جديدة ؟؟ خايف مرتبك "بتشوت بلنتي مثلا" قرار عادي بورقة وحده ينكتب ... لك صلاحيات مارسها ... واختر الاصلح من الشركات وباحسن المقايسات ... صدقني الشركات الاجنبية تطلب رضاك وباسرع من البرق ..." طوفها هالمرة" لا تنفع " ربعك " عشان هالطلاب المساكين ... والعياييز اللي بالبيوت مرضى وضعفاء ...
الله يهديكم بس ..... نصيحة لكل وزير ومسئول " يجب ان تضيف للكرسي ولا تدع الكرسي يضيف اليك " ومالت ( اكثر من هالميلان مافي )
وشكرا

18.6.10

Clever Cupcakes & The World Cup 2010

مجمع ذي سنتر ( العلوي سابقا) في البحرين.
بس هم عندي اللي على جزر احلى وحده فيهم .. حدها يميي

وشكرا شكرا

Website: http://www.clevercupcakesbahrain.com

Mobile: +973 36200680

Location: Al A'ali Complex & The Center

13.6.10

Pregnant mom parking?!!

اول مره اشوف موقف للحوامل .. ولا بعد حاطينه يم موقف المعاقين .. يعني لهم اولويه هيهيهيهيه .. والله زقرت .. بس اول مره تمر علي هالعلامه او الصوره الخصوصا انها بدوله خليجيه .. بس حبيت الفكره.

هالعلامه الله يسلمكم لقيتها بمواقف مجمع ستره .. في البحرين

وشكرا شكرا

12.6.10

تذكرون سلاش بوبي؟




اللي يبي يتذكر ايام الطفوله والسلاش بوبي .. يقدر يحصله بسايت توصيل

www.taw9eel.com

الله يعطيهم العافيه على فكرتهم الرائعه ومجهودهم اللي اكثر من روعه


وشكرا شكرا



6.6.10

La Marine-Bahrain

This is my favourite dish "sea food basket" from La Marine .. It's yummy .. U have to try it.