26.5.12

Lunch at Pizza & Grill Restaurant - Kempinski Ishtar Hotel









اخر وجبه راح ناكلها بالبحر الميت نخلص ونطلع المطار على طول .. هذا المطعم ايطالي الله يسلمكم .. يابولنا الصمون اللذيذ مع التغميسه مالت زيت الزيتون و خل البلسميك .. و طلبت لي بيتزا سي فود .. مكوناتها سمج و خثاق و محار و ربيان .. زفره نوعا ما بس انا احب الزفر هيهيهيهيهيهي .. حلوه بس مو واو .. وشكرا شكرا

Swimming + Tanning Time

Good Morning - Breakfast Time :D










هذا شكل الغرفه من بره باول صوره .. جميله المنظر مو؟ .. جنها شاليه .. و خطوتين لي المطعم مال الريوق .. اليوم قاعدين من الفير بما ان راح نرد الديره فقلنا نستغل الوقت بالسباحه والتان .. بالنسبه حق الريوق حطيت كل شي علبو بذوق .. و مو كل شي عجبني فحطيت اليوم اللي عجبني .. وشكرا شكرا

25.5.12

Dead Sea Sunset

Kempinski Ishtar - Swimming Pool










جميل الحمام سباحه صافي مو؟ يشوق للسباحه .. حبيته وايد و كرهت السباحه في البحر الميت هيهيهيهيهيههيههيي الملح شلخني يحرق الويه .. وشكرا شكرا

Swimming in The Dead Sea Experience












من بعد الطين الواحد يروح يطفح بالبحر الميت علشان يغسل .. من ناحيتي ماحبيت السباحه فيه بس كان لازم اجربها لانها مثل ماقلت لكم امنيه من الطفوله .. ليش ماحبيتها؟ لان اول شي .. الصخر شققني تشقق على ما دشيت بالبحر .. المفروض ينظفون الشاطئ عالاقل يسون درب شي الواحد يدش سهاله .. هذا اول شي .. ثاني شي البحر يحرررررررررق .. يحرق الويه من الملوحه .. ويهي قام يحكني هيهيهيهيه وملح مو طبيعي مادري شلون شعوره .. بس الحلو بالموضوع اني كله طافحه جني مركبه طفاحيات بجسمي هيهيهيهيهيه هذا شي حلو كان .. الناس كلها منبطحه وتسولف ولا طافحين ويسولفون جنه جاي ضحى .. ناس تتعرف على ناس وتتبادل ثقافات من دول مختلفه .. وشكرا شكرا

Dead Sea Mud













يقولون طين البحر الميت له فوايد وايده للجسم والبشره .. قلت اجربه .. بس عاد مره وحده مايسوي شي ترا يبيله جم يوم .. عند البحر الميت .. تلاقون فازه والناس متجمعين يمها .. الله يسلمكم من بعيد قلت شفيهم زحمه جذي لما رحت ولا داخلها الطين .. فالكل يخمط و يلطخ جسمه وويهه وكل مكان .. عاد حشر مع الناس عيد .. لطخت الاماكن اللي اقدر الطخ فيها هيهيهيهيهيه .. وشكرا شكرا اي نسيت لا اقول لكم .. يقول لكم البحر الميت اهو المكان الاكثر انخفاضا على الكره الارضيه وشكرا شكرا مره اخرى

Kempinski Ishtar Breakfast - Obelisk Restaurant

Kempinski Ishtar Swimming Pools












جوله سريعه على حمامات السباحه قبل الريوق .. جميل المكان مو؟ .. وشكرا شكرا

وصلنا بالسلامه






عرفتوا ليش هالسفره من نوع اخر؟ هيهيهيههيهي لانها للبحر الميت .. من وانا صغيره كله اقول بسبح بالبحر الميت ليش مافيه سمج ولا شي .. كنت متخيلته شي قوي الصراحه .. ماي صاااافي و شغل نفس المالديف بس على مالح وايد .. الصراحه لي الحين ماشفته لان بالليل .. باجر لي شفته و سبحت فيه راح اقول لكم شنو شعوري

قبل لا انسى .. بغيت لازم اقول قصتنا بالمطار شصار .. بما ان اليوم كان الطقس سيء جدا جدا جدا .. غبره ويك اند كالعاده بس بزوده .. لي درجه ان المطار كان خنقه و جنه قاعدين بالشارع من الغبره .. و الناس كلها مستنفره محد يتحاجى  .. الرحله بغت تنلغي الا شويه .. مادري شلون اعتفس الجو جذي .. الطقس كان عادي لي الظهر .. فجاه قلب غبار .. على حظنا هيههيهيهيهي .. وطيارتنا كانت المفروض تطير خمس وثلث .. بس مع الغبره بغت تنلغي والحمد لله انها تاخرت ومانلغت .. ظلينا ننطر بره عند مكتب الجزيره مده طويله على ما سمحولنا ندش .. لان الطياره يايه من البحرين ومن الغبره ماتدر تطب للاسف .. الهبوط صعب بالغبره بس الاقلاع سهل .. المهم الزبده من الظهر واحنا بالمطار لي ثمان بالليل قالولنا دشوا الحين تقدر تهبط الطياره لان الغبره خفت .. واااي كلنا ارتحنا والويوه صارت مبتسمه من بعد التكشيره اللي كانت مرسومه على كل ويه يمر علي .. دشينا الطياره و انزرعنا .. ماطارت  الا تسع وشي يمكن وربع او عشر الا ربع شي جذي ماني متاكده .. المهم انها طارت .. ووصلنا متاخر وماستفدنا من اليوم للاسف.

وصلنا الفندق (كمبينسكي اشتار) و شفنا الغرفه ولا فوق و الدريشه فيها ديكور مسكر يعني مانقدر نطل الا لي وفقنا عندها و من فوق .. فماعجبتنا .. قلنا نبي غرفه ثانيه احلى .. دفعنا الفرق وخذينا غرفه تحت جنها شاليه من بره بلكونه حلوه قعدتها .. ويم المطعم مال الريوق و الحمام سباحه (في اكثر من حوض سباحه اللي شفتهم اربعه).. جميل موقعها بس اللي يم الحمام سباحه الثاني احلى كانت لان موقعها قريب عالبحر و الحمام سباحه والمطعم الايطالي .. اذا بغينا نزور البحر الميت ثاني مره بناخذها .. المعامله هناك مش ولا بد .. شوي بياعين حجي هيهيهيهيهيه .. ويحتاجون بغشيش .. هذا الانطباع الاول .. وشكرا شكرا

24.5.12

Bbye Kuwait :D



سفرتنا هالمره بتكون قصيره .. سفره ويك اند .. وايضا راح تكون بحريه بس من نوع اخر .. ليش؟ لي وصلت تعرفون ليش .. وشكرا شكرا

6.5.12

كتاب الطياره













كل مره اشتري كتاب حق الطياره و ما اقراه الا تالي لما يعفن عندي او اقرا اول جم صفحه و اندمج بشي ثاني غير الكتاب هيهيهيههيهييه .. هالمره بحاول اقراه اذا ماحطو فلم حلو .. وشكرا شكرا

Oman Airport (MCT)

طائرة الخطوط الجويه الكويتيه بجانب طائره الخطوط العمانيه و منظر الغروب الجميل

Time to say goodbye OMAN

Birds


وين الماااااااااااي؟!!

Breakfast - Shangri-La

اليوم مالنا خلق ننزل .. طلبنا الاكل بغرفتنا .. طبعا الطلب من ضمن البوفيه مال الريوق لان اللي طالبينه موجود بالبوفيه .. وشكرا شكرا


5.5.12

Moon - Lovely View

Sunset Time - الغروب

Al-Husn Private Beach

هذا الشاطئ اللي سبق وتكلمت عنه .. الخاص بسكان الحصن .. وايد حلو و عجبني .. هذي صورة الايس بوكس اللي يعطونكم اياها .. وتقدرون تاخذون غيرها اذا خلص اللي فيها عادي .. و اللي يحب يجدف يقدر يمارس هالمتعه هناك ابلاش .. لان موفرين القارب العنونو في حق شخص وفي حق شخصين .. و استمتعوا .. وايد وايد حبيت المكان .. جميل جدا
 وشكرا شكرا

4.5.12

Dinner at Bait Albahar

هذا المطعم  اسمه بيت البحر .. موجود في المنتجع نفسه لازم الواحد قبل ما يروح يحجز ترى .. قعدته وايد حلوه عالبحر و في قعده داخل .. طبعا المطعم يقدم اطباق بحريه .. حدها لذيذه .. اول ماقعدنا يابولنا طبق ضيافه .. عباره عن سمج مع صلصه لذيذه اعتقد انها توت او شي جذي .. عن نفسي طلبت طبقين للعشا.. الاول من المقبلات .. عباره عن ثلاث قطع من المعكرونيا محشيه لوبستر مع صلصه المشروم و الجيري توميتو اللذيذ .. و الطبق الثاني الرئيسي عباره عن قطعه  صغيره من هامور المشوي و البطاط المهروس .. وصلصه كريما الحامضه حق الهامور كانت على جنب

وشكرا شكرا

سوق مطرح في سلطنه عمان

كنا رايحين ندور محل الحلوى .. لو ندري ان يوصل جان مارحنى الصراحه .. المهم .. رحنا ندوره قالولنا بسوق مطرح .. ويوم وصلنا ولا مسكر :( .. عاد كان بعيد مو يمنا .. عن الحسافه قمنا نفتر شوي صوب السيفونيرز .. تالي دورنالنا محل يبيع حلوى لقينا واحد اسمه البركاء وخذينا منه .. وشكرا شكرا