4.3.12

My 34 Birthday In Turkey :D

وصلنا من البرتغال لي مطار تركيا متاخرين .. فطارت عنا الطياره الثانيه اللي المفروض تودينا الكويت .. مع العلم ان التاخير كان منهم وكنا واصلين البوابه قبل موعد طيرانها بس بكيفهم نزلوا جناطنا قرروا ان نقعد .. و سكروا البوابه عنا علشان مانروح :(  .. عطونا ليله ابلاش بفندق الله لا يراويكم .. حد المزبله .. ومعاه عشى وغدى .. ياويل حالي .. تسمم هيهيههيهيهي .. المهم .. حاليا انا ورفيجتي بنطلع نحتفل بعيد ميلادي الموقر .. الرابع والثلاثون .. وكل عام وانا بخير .. كنت بحتفل فيه بالجو .. بس الله كاتبلي اني اسويه بتركيا لول

وشكرا شكرا

ملاحظه: اضطريت امدد اجازتي يوم :@ كله منهم تبا لهم

2.3.12

Lisboa - Restaurante Pic-Nic

Paelha del senorito
  
هذا الطبق التقليدي لدوله اسبانيا وهم يعتبر تقليدي في البرتغال كونهم جيران ونفس النظام .. اسم الطبق بالعربي بقيه .. يقول لكم في القديم كانت مكونات الطبق عباره عن بقايا الطعام .. اما بقايا طعام بحري .. او بقايا طعام بحري مع لحم  .. او مع دجاج .. اللي اهو .. الله يسلمكم كانوا ملوك الاندلس لي خلصو من الاكل يمعوا فضلاتهم و حطوها للفقاره المساكين ياكلون .. والفضلات اهي مثل ماقلت لكم بقايا الطعام فسموها بقيه على هالاساس .. هذي القصه قديمه وفي كذا قصه طلعت الصراحه مادري ايهي الاصح س هذي الاكثر انتشارا .. الهم نرجع حق محورنا اللي اهو هالاكله العجيبه .. الحين الله يسلمهم قاموا يسونها بشكل محترم بالمطاعم يعني مايمعون البقايا وهالسوالف مو علبالكم بقايا الزباين لول .. لا .. قاموا يطبخون هالطبق ويتفننون فيه .. مكونات الطبق اللي كليته كانت خثاق وربيان و سمك و محار و خضار .. و مادري اذا الاساس عيش او شي ثاني بس المهم ان الطبق عجبني ولذيذ احب المكس مال السي فود

وشكرا شكرا 

Lisbon - Weekend

1.3.12

A Brasileira Cafe

هذا الكافيه اهو اقدم كافيه في ليزبون واهو مجود من عام 1905 .. الكافيه عنده اسبريسو خطير و الحلويات جميله جدا .. الكافيه فتح له مطعم بنفس المبنى الدور الارضي  بس ماجربت المطعم مالهم .. حبيت الكيك ماله .. لذيذ و خفيف وايد .. الكيكه بالصوره الاولى ماذكر اسمها بس اهي ككاو .. احلى من اللي بالصوره الثانيه .. و اللي بالصوره الثانيه اهي جيس كيك بالليمون

وشكرا شكرا  

Spirit of Fatima


رحله اليوم كانت لمدينه فاطمه المقدسه .. اسم المدينه اسم عربي بحت .. و فاطمه اهو الاسم اللي اطلقوه على مريم العذراء في البرتغال .. لانها ظهرت في مدينه فاطمه .. وحسب كلامهم ان مريم العذراء لها عده اسامي بناء على المكان اللي طلعت فيه للناس .. هذا سبب تسميه مريم العذراء بفاطمه هناك
الحين نيي حق القصه المتداوله و شلون ظهرت فاطمه او مريم العذراء هناك .. القصه المتعارف عليها بالبرتغال تقول ان مريم العذراء شوهدت من قبل 3 اطفال رعاة غنم .. و امرتهم بتوصيل رساله معينه تحمل السلام و الحب و الصلاة .. فاخبروا اهل البلده بالرساله و اصبح المكان مقدس حيث يسافر اليها الناس من كل الدول للصلاة و طلب الغفران و التضرع الى الله بالاستنجاد بفاطمه اللي اهي مريم العذراء















 












هذي كنيسه فاطمه من الخارج و من الداخل




من الاشياء المقدسه اللي شفتها ان الناس يزحفون على ركبهم من اول المنطقه الى الكنيسه في طريق معين .. يطلبون الغفران و يناجون الله .. و حتى القسيس كان يتضرع الى الله
هذه المدينه مختلفه عن اي مدينه اخرى انها حقا مقدسه من سكانها .. حتى رائحه المدينه مختلفه و مميزه وهي عباره عن رائحه الشموع المحترقه و الفانيلا






المدينه فيها زروعات و اشجار كثيره .. و عجبني لون هذه الشجره .. غريب وجميل


 
على اليمين صور العذراء في الكنيسه فاطمه .. و على اليسار صوره الاطفال اللي شافوا مريم العذراء .. فرنسوا مارتو اللي ولد في 11/6/1908 و توفي في 4/4/1919 .. و ياسينت مارتو اللي انولدت في 11/3/1910 و توفيت في 20/2/1920 .. وانولدوا و عاشوا في مدينه فاطمه

وشكرا شكرا

صور منوعه للمنطقه صوب البحر في يوم غائم

سياره الزباله العجيبه


اول ماشفت سياره الزباله .. تحسرت على سياييرنا الصفره .. سياييرهم ذربه  و عليها رسمات حلوه وايد تشرح الصدر .. واهم شي بالموضوع ان مافيها ريحه لي مرت يمنا كلش .. مو احنا ياخلاف .. من تمر الواحد يسكر خشمه ويسكر الدرايش

وشكرا شكرا