مجلس الوزراء وافق على تغطية جميع طلبتنا الدارسين في الخارج بالتأمين الصحي

أعلنت وزارة الصحة امس ان مجلس الوزراء وافق على تغطية تكاليف التأمين الصحي لعلاج جميع الطلبة الكويتيين الدارسين في الخارج سواء على نفقتهم الخاصة أوعلى نفقة جهات حكومية في الجامعات المعترف بها.

وقال مدير ادارة المحاسبة المالية والتأمين الصحي في الوزارة محمد العازمي لـ «كونا» ان مجلس الوزراء وافق على زيادة الاعتماد المالي بمبلغ 5 ملايين دينار لبند علاج الطلبة الدارسين في الخارج بناء على دراسة أعدتها وزارة الصحة بالتنسيق مع وزارة التعليم العالي.

وذكر العازمي ان التنسيق جار بين المكاتب الصحية في الخارج والمكاتب الثقافية لجذب افضل عروض شركات التأمين المتخصصة، مشيدا بحرص القيادة السياسية في البلاد على توفير افضل أنواع الرعاية والخدمات الصحية لأبنائها الطلبة.

واضاف ان صاحب السمو الأمير الشيخ صباح الأحمد اصدر توجيهات سامية بتذليل جميع الصعوبات أمام الطلبة وتوفير التأمين الصحي الخاص بالطلبة الكويتيين الدارسين في الخارج.

source link

نسبرسو القهوة الذ معها Nespresso

Nespresso

الاسم التجاري لصانعة القهوة المركزة اللي يسمونها اسبريسو عند محلات بيع القهوة والكافيهات مثل كوستا وستاربكس والخ...شركة نستله تعرفونها ام حليب كرنيشن ,,قامت بصناعة هالمكينة العجيبة يضاف لها الماء فقط وكبسولة البن او القهوة المطلوبة وما عليك الا تضغط الزر وتاتيك القهوة فريش مثل ما تبيها .....عندهم نكهات وايد بس انا افضل الخضرة الفسفورية وهذي منزلينها لمدة محدودة بس عجيبة ...مركزة وفيها نسبة حموضة مقبولة .....محلهم بالكويت بقع بمجمع 360 فوق معرض ام كلثوم الدائم .....اذا بتروحله اصفط سيارتك فوق اقرب لك ....عندهم اكسسوارات المكينة ...في كذا نوع نوع بس القهوة المركزة السبريسو ونوع اخر لعمل المركزة والنغو ( اللي تصير اكبر شوي وينع تخلط وياها حليب ) سالو نون اهيا ابخص بامور اللونغو انا ما عجبني وايد :^ ....الاكسسوارات عددها كبير ..بس عجبتني الجنطة الخاصة بالمكينة ...يعني ممكن تشيلها وياك لاي مكان بس غالية سعر المكينة ما بين ال 75 د.ك و 90 د.ك.....شخصيا افضل ام 90 دبنار عملية ولها ذاكرة كمبيوتر وتحفظ المقادير المطلوبة لقهوتك المفضلة .....

هذي مكينتي الخاصة اللي شريتها ... ونون القلادة شرت وحده طبعا :^ ... لا لا اهيا صاحبة الفكرة ... لوووول ...تلاحظون اكواب نستله الخاصة والمكينه فيها لمبتين خضر عاليمين واليسار اللي على يمين الصورة لعمل اللنغو ( القهوة الكبيرة) واللي على اليسار لعمل الاسبريسو الون شوت والدبل شوت الصغيرة ....واكيد هالقهوة كانت الكبسلوة الخضرة ... لحقو عليها قبل لا تخلص ... وفي شي مهم ... المكينة تخلي ريحة المكان برائحة البن العجيب جنك قاعد بستاربكس او كوستا :)

The Avatar is real

اعتقد ان نون ذكرت نصف الحقيقة عن هذي القطة العضاضة....من خلال نقاشي الدائم حول طبيعة كرمل المعيشية... نون تقول بان كرمل قطة نظيفة جدا تحافظ على مكانها مرتبا وانيقا....تطارد الحشرات في البيت وتحمي البيت من الضيوف الغير مرغوب فيهم .....كرمل لديها قدرة على اكتشاف الضيف الثقيل الظل فتقوم باتعابه من خلال عض حذاءه وملاحقة خيوط الحذاء ....من فوائدها انها تنفع خرامة ورق ....بالامكان مسح ارضيات السيراميك فيها ....لدي كرمل رياضة صباحية تطل بويه نون واهيا نايمة يعني تقوم بتمرير شنباتها على خشم نون عشان تقعدها من النوم....كرمل لا تعرف النوم ....فهي تنام اذا صاحبتها نامت وتستيقظ معها ....كرمل قطة حنونة ولكن لديها كبرياء لا احد يلمسها الا في الصباح عندما تكون بحاجة الى جرعات حنان....طبعا كل هالحجي كلام نون لما توله على كرمل بس الايام التي تكون فيها نون قريبة من كرمل ....تتفنن نون بتعذيب كرمل ...وكرمل تتفنن بتعضض وتشمخ وازعاج نون .....وشكلي بسوي كتاب "يوميات نون والخرامة كراميل " في نهاية المطاف كرمل قطة رائعه بس جسمها عود وصماخها صغير !!!! شلون لحد يسالني .....عند ي احساس انها مهجنه من راس نعامة وجسم نعية ... والله اعلم

caramel .. my avatar

Caramel
اهو اسم قطوتي الاخيره .. هالقطوه شريتها كبر كف ايدي وربيتها مثل بنتي .. كبرت عندي وحبيتها وايد .. بس عيبها انها مدلله عالاخر لي درجه انها تمردت وصارت عضاضه .. واحيانا احس انها جلب مو قطوه من كثر اللعب الدفش اللي تلعبه .. في يوم من الايام .. طقت براسي فكره .. اني اصبغها لون ازرق .. علشان تصير افاتار .. و كان وقتها توه نازل الفلم .. وصبغتها ازرق .. بس كانت معاناتي معاها انها تحت شعر ازرق :( .. و كل مكان شعر ازرق .. قبل كان اشقر ماحس فيه.

كبرت كراملو شويه .. و طلع شعرها و خفت الصبغه .. وصارت احلى وايد من قبل و هالمره صج افاتار صارت .. بس لازالت مشكلتي معاها واهي الشعر .. يحت بكل مكان .. لين قررت اني اقرعها.

ربطتها بحبل كونها جلبه مو قطوه .. مو راضيه تتاقلم انها قطوه حتى العابها العاب جلاب وشغلات تعضض .. الحمد لله والشكر .. المهم .. ربطتها و سحبتها علشان اقرعها .. و كانت ماشاء الله مطييييييييعه ماتعاند ولا تبرك بمكانها ماتتحرك من قال .. حدها تسمع الكلام وتيي عندي ما اسحبها كلش.

وصلت الـ Pets Farm .. و كنت طبعا مقرره اني بقص لها قصه الاسد من قبل .. و استلموها وبدو بحلاقتها .. مساكين .. طبعا الفلبينيه تعرف قطوتي مشهوره لانها بالعض .. و قارمه الفلبينيه من قبل لما كانت تصبغ لها اخرتمتها جم خرم .. بس هالمره نادت لها واحد يمسكها .. مساعد .. وعليه .. كان لابس دسوس وماسكها على باله قطوتي هينه .. مايدري انها قطوه فاقده الذاكره على باها جلب .. طبعا عفستهم و عضضتهم و شمختهم وكانت تفح و تنافخ .. والله كسرو خاطري الموظفين خنه حيلي .. وبهالوقت انا كنت افتر بالمكان واصور مع الجلاب و باجي الحيوانات .. اخيه بس اخيه.

خلصوا من القصه اليديده والنيو لوك .. و استلمت كرامل جلبتي .. قصدي قطوتي .. عفوا قصدي الاسد .. كراميل الاسد

وهذي نهايه قصه تحسونه كراميل .. صارت
اسد بس بيني وبينكم .. ماحسها اسد .. احسها جلب .. جيواوا

CaRaMeL

my shape-ups shoes

كل مره اكتب بمكان و لويه كل مكان اكاونت و كل مكان تعليق .. قلت خل اسويلي بلوق واكتب على راحتي .. واول بوست راح يكون لي عن الجوتي العجيب.

امس الله يسلمكم شريت خوش جوتي و يناسب جميع الاقدام .. ما يخص فئه معينه .. اهو كعبه عالي شوي .. بس مريح .. الدوسه فيه جدا مريحه "دوسه = خطوه مو دوسه سيارات" .. اهو مرتفع علشان الطبقات اللي فيه .. سيلكون ومادري شنو .. بس المهم انه يوزع الضغط مايخليه بمكان واحد .. و يعدل انحناء الظهر .. و يحرق سعرات حراريه "كالريز" .. هذيلي اهم الشغلات و اللي يبي يعرف اكثر عنه يدش اللنك اللي تحت .. الجوتي سعره حلو مو غالي تقريبا بثلاثين دينار كويتي .. مع العلم ان شايفته بمكان ثاني فوق الـاميه دينار كويتي .. ليش مادري .. يمكن علشان الماركه غير :\ .. بس نفس الطبقات ونفس الشغل وكل شي .. ولا يمكن علشان المحل نصاب .. عموما المحل مشهور بسعره الغالي على غير معنى " athletes foot".

المحل موجود بالافينيوز حق اللي يبي يجرب الجوتي

اسم المحل S Sheckers

ومديل الجوتي Shape ups

بس ترى ما ادري جم سعره بالمحل لاني موشاريته من الكويت

link