Lunch at Anthonys Fish Bar - Seattle Airport

شوقني المطعم البحري هذا لما شفتهم يشوون السمجه على الفحم .. و طلبت منه نفس السمجه اللي تنشوي قالي ترا هذي قطعه سمج تنحط فوق السلطه .. قلت له شنو السمجه قال سلمون .. العاده السلمون يكون زفر بس اشوه طلعت لذيذه وايد .. اللي يحب السي فود خل يطلبها من المطعم اللي بالمطار او اي فرع لهم المهم نفس المطعم .. وشكرا شكرا

leaving Seattle

حان وقت مغادره سياتل و التوجه الى سان فرانسيسكو على متن طائره خطوط الاسكا .. وشكرا شكرا

 

Relaxing Bathtub at 1000 hotel - Seattle

الحين و بعد اللويه و الطردي و بما ان باجر راح نغادر سياتل ونتجه الى سان فرانسيسكو .. فاحتاج اني اتنقع مده طويييييله في الباث توب .. علشان اريح جسمي شوي .. و شكرا شكرا

هذا اللنك الخاص بالفندق علشان مو تقولون لي وين الباثتوب هذا .. كاهو هني

Starbuucks Chrismas - Seattle

منتجات ستاربكس للكريسمس وايد .. و حلوه .. في شغلات تكون ليميت ايدشن حاصه بالولايه او المكان نفسه و في شغلات متوفره بكل الاماكن .. هذي الشغلات اللي موجوده بستاربكس صورتها لكم .. شريت منه النكهات اللي بعلبه وحده .. و السليف اللي تحمي من حراره الكوب و طبعا طلبت الموكا اللي عجبتني على نعناع بما ان الجو ممطر و بارد .. وشكرا شكرا

 

 

 

Dinner at Serious Pie - Seattle

هذا المطعم يقدم معجنات لذيذه و مشهور بسياتل .. طلبت منه بيتزا بالجبن و المشروم .. بس ماحبيتها وايد اختياري كان فاشل .. و رفيجتي طلبت منه مارغاريتا كانت وايد لذيذه انصحكم فيها .. و طلبنا مع البيتزا سلطه بينا احنا الثنتين .. كانت حلوه السلطه .. ملاحظه .. البيتزا الوحده تكفي شخصين .. انا ماكليت الا قطعتين لاني كنت يوعانه و الباجي تم على عداله ماحبيت المشروم كلش .. مادري شنو نوع مشرومهم مو بورتابيلو ولا العادي الابيض الصغار .. نوع يديد علي نكهتة وايد قويه .. وشكرا شكرا

Public Market Center in Seattle at Night - Pike Market

Starbucks New Coffe - Seattle

هذي وحده توزع عيينه مجانيه من القهوه اليديده اللي عندهم .. حبيتها .. القهوه طعمها نعناع منعش مع ككاو و كوفي .. احتمال اطلبها بالليل .. اللي يبي يجربها اسمها

Peppermint Mocha

 

وشكرا شكرا

Ride the Ducks Tour - Seattle

هذي السياره البرمائيه .. تاخذكم بجوله بشوارع سياتل .. تالي تطب فيكم في بحيره سياتل تفتر .. ويشرحون لكم فيها اهم المعالم و الاماكن بطريقه حلوه و مظحكه تخلي الواحد يندمج مع اللي يشرح .. السايق اهو اللي يشرح .. عاد انتوا وحظكم ان طلع صغيرون خفيف طينه فحظكم حلو .. وان ياكم واحد شايب و دمه ثقيل انصحكم تبدلون الوقت هيهيهيههييه .. وشكرا شكرا

Dinner at Ivars SeaFood Bar - Seattle

احب الاكل البحري وايد .. وماعندي مانع كل يوم اكله .. طلبت من هالمطعم طبق ربيان مقلي لذيذ .. كان كبار الربيان مو صغار .. راهي .. و معاه شبس

 

Seattle Sunset

T Mobile - Seattle

اخيرا لقينا خط غير محدود الاستخدام حق النت .. مانبي ندق يمعودين بس نبي نت مايخلص كل جم يوم و نرد نعبيه نفس الايزي .. تعبنا واحنا ندور واي فاي بالشوارع علشان نشبك هيهيههيهيهي .. للعلم شركة تي موبايل الوحيده اللي تقدم هالاشتراك .. اللي يبي يروح امريكا لاياخذ غيرها .. مع انها خايسه في بعض الاماكن ماكو نت بس شي احن من ولا شي .. وشكرا شكرا

 

 

Small Dog - Seattle

هذا الجلب صادفته بمحل النظارات كنت رايحه اخذ محلول حق عدساتي .. لما شفته ذكرني بجلبتي .. ناديته جان اييني وقمت امسح عليه و العب معاه .. صاحبته استغربت تقولي شلون ياج اهو كله ينخش من الناس ومايحب احد يمسح عليه .. غريبه .. قلت لها جلبج يشابه جلبتي المتوفيه .. بس اهي لونها ابيض .. والظاهر انه حس اني احب الحيوانات فحبني .. كان لطيف معاي .. وشكرا شكرا

 

Piroshky Piroshky - Seattle

هذا محل فطاير روسي .. ريحته عجيبه .. تجذب اللي يمر يمه .. شريت منه فطيره جبن تشيدر مع البصل الاخضر والثوم هيهيهيههي ترى تقث شوي بس حلوه .. يعني حق اللي بيتغدى فيها ممتاز بس مو تاكلونها وانتو شباعه تقثكم

 

Cloudy Day - Seattle

الغيم حده جميل مع الغيم و اشعة الشمس و الهوى البارد اللطيف .. وطبعا الكوفي علشان تدفينا بهالاجواء الجميله والشاعريه

 

Tully's Coffee - Seattle

طبعا لازم كرت تعبئه .. علشان الذكريات و الاشياء الجميله .. وعلشان مادور خرده سيده اعطيهم الكرت و يخصمون هيهيهيههي