كتاب الطياره

كل مره اشتري كتاب حق الطياره و ما اقراه الا تالي لما يعفن عندي او اقرا اول جم صفحه و اندمج بشي ثاني غير الكتاب هيهيهيههيهييه .. هالمره بحاول اقراه اذا ماحطو فلم حلو .. وشكرا شكرا

Oman Airport (MCT)

طائرة الخطوط الجويه الكويتيه بجانب طائره الخطوط العمانيه و منظر الغروب الجميل

Time to say goodbye OMAN

Birds

وين الماااااااااااي؟!!

Breakfast - Shangri-La

اليوم مالنا خلق ننزل .. طلبنا الاكل بغرفتنا .. طبعا الطلب من ضمن البوفيه مال الريوق لان اللي طالبينه موجود بالبوفيه .. وشكرا شكرا

Moon - Lovely View

Sunset Time - الغروب

Al-Husn Private Beach

هذا الشاطئ اللي سبق وتكلمت عنه .. الخاص بسكان الحصن .. وايد حلو و عجبني .. هذي صورة الايس بوكس اللي يعطونكم اياها .. وتقدرون تاخذون غيرها اذا خلص اللي فيها عادي .. و اللي يحب يجدف يقدر يمارس هالمتعه هناك ابلاش .. لان موفرين القارب العنونو في حق شخص وفي حق شخصين .. و استمتعوا .. وايد وايد حبيت المكان .. جميل جدا
 وشكرا شكرا

Dinner at Bait Albahar

هذا المطعم  اسمه بيت البحر .. موجود في المنتجع نفسه لازم الواحد قبل ما يروح يحجز ترى .. قعدته وايد حلوه عالبحر و في قعده داخل .. طبعا المطعم يقدم اطباق بحريه .. حدها لذيذه .. اول ماقعدنا يابولنا طبق ضيافه .. عباره عن سمج مع صلصه لذيذه اعتقد انها توت او شي جذي .. عن نفسي طلبت طبقين للعشا.. الاول من المقبلات .. عباره عن ثلاث قطع من المعكرونيا محشيه لوبستر مع صلصه المشروم و الجيري توميتو اللذيذ .. و الطبق الثاني الرئيسي عباره عن قطعه  صغيره من هامور المشوي و البطاط المهروس .. وصلصه كريما الحامضه حق الهامور كانت على جنب

وشكرا شكرا

سوق مطرح في سلطنه عمان

كنا رايحين ندور محل الحلوى .. لو ندري ان يوصل جان مارحنى الصراحه .. المهم .. رحنا ندوره قالولنا بسوق مطرح .. ويوم وصلنا ولا مسكر :( .. عاد كان بعيد مو يمنا .. عن الحسافه قمنا نفتر شوي صوب السيفونيرز .. تالي دورنالنا محل يبيع حلوى لقينا واحد اسمه البركاء وخذينا منه .. وشكرا شكرا

Turtle Beach

عادي وانتوا تسبحون تلاقون سلحفاة طلعت من الرمل ويت تسبح معاكم .. صارت معاي هيهيهيهيهيه ايننون عنونين شحلوهم

Breakfast At Shangri-La

Oman - Shangri - La

اليوم الاول بالمنتجع .. راح اتكلم لكم عن المنتجع شوي حق اللي يحب يروحله .. المكان وايد وايد حلو وممتاز .. المنتجع فيه ثلاث فنادق .. اثنين زحمه و عوايل  اللي اهم البندر و الواحه .. و واحد كبلز ومعاريس اللي اهو الحصن .. طبعا احنا مانحب الزحمه  واللويه فسكنا بالحصن .. المكان وايد حلو من ناحيه المناظر الطبيعيه و الجبال و البحر وكل شي .. و المنتجع نظيف جدا جدا وراقي .. وتعاملهم وايد حلو وزقرت .. المطاعم اللي فيه جميله بس غاليه .. و الريوق منوع وحلو .. تقدرون تنزلون له تحت بالبوفيه و تقدرون تطلبونه فوق اذا كنتوا من سكان الحصن فقط .. الشاطئ نظيف و جميل ..  ويوجد شاطئ خاص حق اللي ساكنين الحصن .. هالشاطئ نظيف وايد و  مافيه زحمه .. و يوفرون فيه الفوط النظيفه و ايس بوكس (علبه الثلج) داخلها عصيرين و اثنين ماي .. و اثنين بخاخ للوجه ايفيان .. على فكره المشروبات متوفره على طول حق الحصن .. اربع و عشرين ساعه الثلاجه متروسه عصاير و مياهه و كذلك المكسرات .. يعني الصراحه عشنا برفاهيه .. وبس اللي يبي يستفسر عن شي يقدر يسال .. و انصحكم تروحون تزورون المكان

هذي صور من البلكونه .. للشاطئ العام  .. بروح اتريق تالي اسبح بالبرايفت بيج .. راح احط لكم صور .. وشكرا شكرا

To OMAN :D - from 3 to 6 May 2012

اليوم سفرتها راح تكون سفره قصيره بو اربع ايام .. الهدف منها التشمس والسباحه بالبحر .. وجهتنا تكون عمان - مسقط .. و بنسكن في منتجع شانغاريلا ان شاء الله .. وشكرا شكرا

نراكم من عمان باذن الله