انا الحين بمطار هيثرو الدولي .. ناطره البوردنغ .. ان شاء الله بنروح كذا ولايه و من بينهم الكروز و راح لكم بعض المعلومات و الصور في البوستات القادمه
ملاحظه: سوينا ابقريد حق تذاكرنا علشان نرتاح بالكراسي لان رحلتنا طويله شوي
و شكرا شكرا
Showing posts with label UK. Show all posts
Showing posts with label UK. Show all posts
10.11.12
Bbye London
الحين احنا بالطريج رايحين المطار علشان نواصل رحلتنا لامريكا.. الجو ممطر و جميل .. و الوان الاشجار جميله جدا .. وايد قاعده احاتي قعده الطياره .. ظهري ما يستحملها .. امس لما سوينا الاون لاين جيك .. خذيت كرسي عالطرف علشان اتمشى كل شوي ههههههه
وشكرا شكرا
9.11.12
Lunch At The Diner - Harrods
هالطبقين اهم المفضلين عندنا .. شريمب بوب كورن .. و شريمب كاساديا .. وايد حبيناهم .. الشريمب كاساديا شوي دسمه بس حلوه .. اللي ماجربه خل يجربه .. هالطبقين شيرنق بيني وبين رفيجتي ممتاز .. اكثر من النص يصير وايد ترا
وشكرا شكرا
Park lane and Knights Bridge Streets - UK 2012
هذي بعض اللقطات اللي صورتها على دربنا واحنا رايحين هارودز .. قبل كنا نروح بالاندرقراوند و مانشوف هالمناظر الحلوه .. هالمره قلنا خنجرب المشي .. والله طلع مو بعيد من اكسفورد لي هارودز تقريبا ساعه الا ربع مع الاستراحات مالت التصوير لول
وشكرا شكرا
وشكرا شكرا
8.11.12
Starbuck - UK 2012
طبعا مانستغنى عن ستاربكس حبيب القلب و مشروباته الجميله .. المشروبات اللي نازله بالكريسمس ثلاثه .. واحد على جنجر .. و واحد مادري شنو فيه بيض ماشوقني كلش .. والثالث موكا .. الجنجر بالبرد مفيد .. جنه دارسين .. و يدفي .. وشكرا شكرا
Pret A Manger - UK 2012
هالكافيه يعجبني اكله الصحي و اتمنى ان الشايع اييبونه الكويت .. لانهم ماقصروا الصراحه كل شي يابوه الديره .. يزاهم الله خير .. من السندويجات اللي يازتلي .. الافوكادو ساندويج .. راب .. و الثانيه اللي على بالي ربيان اول مره بس طلعت سمج .. اسمها كراي فش ساندويج .. وشكرا شكرا
هذي وجبه العشا اليوم كانت عباره عن كراي فش ساندويج .. و يوغرت بس ثقيل شوي .. و بطاط بالملح
Jel Spa - Selfridges 2012
واحنا طالعين .. لحجت هالبانيو القديم وفيه جيل شكله يشوق .. و الريحه فايحه يمه ريحه لافندر .. فقلت حق رفيجتي وسالنا اللي تبيع شنو هذا .. فقالت جيل يعطي ريحه و ينعم الجسم .. وقالت حطو ايدكم جيسوه .. غطسوها داخل .. غطست ايدي كان ملمسه عجيب .. ودي اتنقع بالحوض جدام الناس من ريحته و الجل نفسه هيهيهيهيههيي .. غسلت ايدي و مشيت لان الموضوع ماعجبني .. العلبه الوحده للسبحه الوحده .. يالله تكفي الحوض .. فحسيت ان وايد و يبيله وزن بعد .. بس طول الوقت قاعده و اشم ايدي حتى وانا بنام اشمها جنه مخدرات لول .. ريحتها حنونه .. ريحه لافندر قويه وايد و جميله
ملاحظه .. العلبه في منها على لافندر و على نعناع و على دارسين اعتقد .. بس اللي جذبني و حبيته من اول شمه اللافندر
وشكرا شكرا
My New Mini IPad - UK 2012
اليوم الوضع متأزم .. لا وصل لنا ايميل من ماك على الايفون ولا احنا لاقين الميني ايباد الاسود الجميل باي مكان .. و لاعت جبدنا من الفراره .. فقررنا ان ناخذ الابيض من ابل ستور اللي بريجنت ستريت .. الابيض كان متوفر بس الاسود منقرض كل العالم خامينه .. مالومهم .. شكله يشوق .. نرجع حق محورنا .. شرينا الابيض .. وشرينا له لحاف احمر .. وكان شكلهم جميل .. حبيتهم مع بعض .. وشكرا شكرا
ملاحظه: سخيفه حركه الايميل و الحجز .. وشكرا شكرا
7.11.12
IPhone 5 and Mini IPad - UK 2012
مشكله هالميني ايباد .. تعبنا واحنا ندوره من مكان لي مكان .. نبي اسود .. كله خالص و يواعدونا و يقولون تعالو الوقت الفلاني .. نروح ولا ماكو شي .. لي الحين ماياتهم دفعه يديده .. ان شاء الله نحصله بالايام القادمه لان تعبنا نفتر من مكان لي مكان ندوره .. و المشكله الثانيه والاهم .. الايفون5 .. اللي قصته قصه .. الواحد يحجزه من سايت ابل .. و اذا ردوا علينا بالايميل يعني اوكي نروح ندفع فلوسه ونستلمه من المكان اللي حجزنا فيه .. واذا ماردوا يعني حاول مره اخرى .. والوقت اللي نطلب فيه من الصبح الساعه تسع لغايه الساعه خمس المغرب .. الوضع كسيف لان هذي الحاله الوحيده اللي نقدر نشتري فيها ايفون .. غير جذي ماكو الا المقفول و طبعا مانبيه .. وشكرا شكرا
هذي صور واسعار الميني ايباد الحبيبه
Selfridges 2012
ديكورات السلفردجز حلوه بالكريسمس .. عندهم كورنر مسوينه عجيب .. سوالف الشيره و الغزال و الاشياء هذي .. و هابين بشغله تنحط عالطاوله جنها ويه بابنويل كلها لحيه فيها شيب هيهيهيههيهي .. وشكرا شكرا
Breakfast At Thistle Marble Arch Hotel - 7.11.2012 UK
انا قلت حق امي ان يابتلي نفسه يطبخلنا بدال الطباخه اللي عندنا ماراح اطلب من مطاعم الا مره بالشهر .. يفتح النفس .. شزينه و نظييييف هيهيههيهيهيه .. خليته يسويلي بيضه بالمشروم و الطماطم و الجبنه .. وهذا طبق الريوق .. نخلص ونروح نحرق .. الفلوس طبعا مو الكالريز هيهيههيهيهي .. وشكرا شكرا
Lunch at Ask Italian - UK 2012
الغداء كان بمطعم اسك .. قريب من الفندق .. كان اقتراح نور .. وحده من اهلي كنت مواعدتنا لي رحت لندن اشوفها .. رحنا انا و ميم ونور حق المطعم .. و اقترحت علينا جم طبق .. وكان الطبق الكاسح اهو المشروم .. عباره عن توست محمص بالزبده وفوقه مشرومه .. بس طبق عجيب .. وايد حبيته .. وشكرا شكرا
6.11.12
6.11.2012 - UK
وصلنا الامارات .. ترانزيت .. لان مسافرين بريطانيا عن طريق الاماراتيه .. ركبنا الطياره علبوا ان بنطير .. وللاسف طلع في عطل بالطياره .. فاضطرينا ننطر يصلحونه ساعه وشوي .. و طول الوقت احنا بالطياره .. ظهري قام يتقطع من قبل لا نقلع .. واحنا بالجو .. يابوووووووووووووووي .. حسيت بنفجر من عوار الظهر .. مادري شسوي وقتها اشوه اني نمت شوي ضيعت الوقت عالاقل .. المهم .. وصلنا لندن بالسلامه .. اخييه على لندن وجوها .. اول ماتبطل باب المطار .. ويحوشنا ذاك الهوى الحلو .. ردت فينا الروح الصراحه ونسيت كل الالم مال الظهر .. حسيت اني اشم هوى نظيف .. وبس .. هذي مغامره الاقلاع كالعاده لازم مغامرات عندنا .. رحنا الفندق .. قطينا جناطنا .. و تمشينا باكسفورد .. و هذي بعض الصور من الطياره .. و زينة الكرسمس بلندن .. حق اللي ماراح علشان يحس انه معانا بالسفره .. وشكرا شكرا
ملاحظه .. كلمه الحق تنقال .. صج ان في عطل .. بس الطياره الصراحه روعه .. الشاشه واضحه اللي جبالي و الافلام حلوه .. و فيها مكان للشحن مال يو اس بي وبلاك .. والاهم من هذا انها وسييييعه .. و الكراسي شزينها .. بس انا ماحب السفرات الطويله .. تعور ظهري .. وشكرا شكرا
ملاحظه .. كلمه الحق تنقال .. صج ان في عطل .. بس الطياره الصراحه روعه .. الشاشه واضحه اللي جبالي و الافلام حلوه .. و فيها مكان للشحن مال يو اس بي وبلاك .. والاهم من هذا انها وسييييعه .. و الكراسي شزينها .. بس انا ماحب السفرات الطويله .. تعور ظهري .. وشكرا شكرا
Subscribe to:
Posts (Atom)