Showing posts with label Amsterdam. Show all posts
Showing posts with label Amsterdam. Show all posts
5.1.12
الى اللقاء امستردام
حان الان وقت المغادره .. بنرجع المانيا مره اخرى .. حاليا احنا بالمحطه ناطرين القطار و نحسى القهوه .. الساعه عشر و نص يمشي قطارنا .. وشكرا شكرافي رحلات و صور خاصه بامستردام ماقدرت احطها لان احتاج لابتوب بالايفون مايصير ادز اكثر من ثلاث صور بالبوست الواحد .. لي رجعت الكويت راح اراويكم المناظر الخلابه والاشياء الجميله
Sent from NooN's iPhone.
New Dorrius - Amsterdam
مطعم الفندق .. سالفته سالفه .. احنا ساكنين الله يسلمكم بكراون بلازا .. يمه بو دقيقتين مشي بالزاويه خوووش مطعم دشينا بنتعشى .. ولا ننسى شغله فرحت الفندق اييبها بهالقيله والمطر .. بالصدفه اكتشفت ان هذا المطعم مال الفندق و ان في باب دايركت يوديني عالفندق .. ماله داعي سالفه وين اذنك يا جحا هههههه
Croissanterie outmayer - amsterdam
هذا المحل حبيت الوافل مالته طريه و طازجه .. انا احب الككاو و الفراوله فقلت له ابي نوتيلا مع فراوله و كريمه .. روعه .. بيني وبينكم شوي ادمنت عليها هههههههه
اللي يبي يروح امستردام خل يمر عليه و يطلبها ويدعيلي
وشكرا شكرا
Sent from NooN's iPhone.
4.1.12
Sabon - Amsterdam
دشينا بنطالع .. قالت لنا اول مره تدشون محلاتنا .. قلنالها اي .. ودتنا عند المغسله و غسلنا ايدنا بماي .. جان تحط لنا سنفره الملح .. بيني و بينكم قلت بقلبي اي بدينا بسوالف التسويق .. بس لقينا شي عجييييب .. السنفره حدها اتينن .. تخلي الجسم انثوي و ناعم تالي حطت لنا لوشن يثبت الريحه و ينعم اكثر .. انصحكم فيهم حدهم شغل عدل .. شرينا ست كامل من لافندر و تفاح .. الست عباره عن سنفره الملح الحجم العود مع لوشن للجسم و كريم الايد كلهم برائحة اللافندر و التفاح .. و الشور جل برائحة اللافندر لان ماكو مع تفاح نفسهم .. كلهم طلعو ب ٧٥ يورو .. تقريبا ٢٨ دينار ارخص من محلاتنا ادري ههههه .. بس والله صج الاشياء اللي فيه حدها قويه .. النعومه و الريحه شي لا يوصفوشكرا شكرا
Sent from NooN's iPhone.
بطاط هولندا الشهير من محل Vlaamse Frites
انا ذقت من قبل هالبطاط من محل ثاني وكتبت عنه في بوست سابق .. بس هذا وايد وايد وايد احلى من اللي ذقته .. قالولي ان هذا احلى مكان يبيع بطاط واللي يشتغل فيه واحد قديم ومشهور .. بس كان برايي انه عادي كلهم نفس الشي .. بس بصراحه لما جربته شفت ان في فرق واضح بالطعم .. هذا اللي المفروض تجربونه لي رحتوا امستردام .. حده اينن مو صج .. وهم المايونيز مالهم روعه .. لا تحطون وايد نكهات ولويه .. المايونيز كفايه
مكان المحل يم الدام سكوير .. بنفس الشارع اللي مجابل السينما و المجمع .. وشكرا شكرا
مكان المحل يم الدام سكوير .. بنفس الشارع اللي مجابل السينما و المجمع .. وشكرا شكرا
3.1.12
ارفف السندويجات
ارفف مغلقه كلها همبورغر حنونه .. تفتح لي حطينا خرده .. الصمونه الوحده بـ ٢ يورو .. حدها حنونه و رخيصه .. جنها همبورغر امي .. الفكره حلوه عجبتني .. صايره جنها مكينه همبورغر بس اهي مو مكينه .. الحركه عباره عن ارفف وفيها حراره من الليتات او يمكن شمعات دفايه .. المهم .. الارفف فيها باب بالواجهه يفتح بفلوس .. وباب ورا عند مال الصمون .. فاللي يصير ان مال الصمون كل ماخلص اللي بالرف راح يسوي و يحط مكانه صمون طازج و حار و طري .. شحلوه
وشكرا شكرا
2.1.12
رحله استكشاف معالم هولندا الشهيره - Windmills - de Zaanse Schans
المعلم الاخير بالرحله .. اهو الطواحين الهوائيه .. مكانهم بنفس القريه اللي فيها مصنع الجبن .. يم بعض .. الهوى هناك يرد الروح .. و الجو بارد .. وفجاه يصير غيم و تطلع اشعه الشمس بشكل حده اينن .. و شكل الطواحين و صوتهم مع البحر روعه .. عاد قلت
اراويكم بعض المناظر الخلابه اللي عجبتني .. وشكرا شكرا
سرب من الطيور .. هذا المنظر ذكرني في البباي نييلز
غيوم جميله
هذا سايق الباص اللي ودانا الرحله .. حده جنتل
رحله استكشاف معالم هولندا الشهيره - مصنع الجبن في قريه de Zaanse Schans
المعلم الثاني اللي رحناله مصنع الجبن شفنا مراحل تصنيع الجبن و التعتيق .. و شرينا بعض الشغلات من هناك .. حبيت الجبن القديم المعتق .. وحبيت وايد الماسترد بالعسل اللي فيه تفافيخ عنونين مادري شنو اهم بس جنهم كافيار ينبطون بالحلج هيهيهيهيههي .. حدهم لذيذين الماسترد مع الجبن مع بعض .. انصحكم تشترونهم .. وشكرا شكرا
قطاعه الجبن شوقتني واهي تقطع فيها الجبن جان اشتريهم
وهذا الماسترد اللذيذ .. القرشه اللي مغطاتها ولزقتها لونهم اسود .. عاليسار
وهذا الجبن المعتق اللي حبيته .. المثلث الاسود
رحله استكشاف معالم هولندا الشهيره - الغداء في القريه البحريه Volendam
الحين يا وقت الغدا .. رحنا حق منطقه او قريه بحريه جميله اسمها فولندام .. وفيها مطعم معروف وقديم و يقولون اكله لذيذ .. بعد التجربه اقدر اقول انه لذيذ جدا مو بس لذيذ .. طلبت فش اند شبس .. كان حده روعه .. مافيه ولا نتفه زفره . وسعره جدا مناسب .. و الخدمه جيده .. وشكرا شكرا
هذا كان اسم المطعم - Verse Vlaamse Frites
رحله استكشاف معالم هولندا الشهيره - مصنع الاحذيه الخشبيه Klompenfabriek Marken
بما ان وصلنا هولندا بلد الحشيش هيهيهيهيه .. فلازم نطق فره ونشوف معالمها .. هالرحله اللي حجزنالها طويله .. عباره عن محطتين لثلاث معالم مشهوره .. المحطه الاولى كانت حق مصنع الاحذيه الخشبيه القديمه المشهوره في هولندا .. هالاحذيه كانت متوفره للشعب بشكل عام لان صناعتها غير مكلفه و الكل يقدر يحصل عليها .. ميزتها انها قويه ومتينه و معمره .. الجوتي صلب لانه من الخشب القوي ويستحمل كل الطقوس .. و فيها شغله ظحكتني .. يقول لكم هالجواتي ممتاز للحراميه لان طبعه الريل ورا وجدام نفس الشي فمايبين الشخص ماشي ورا ولا جدام هيهيههيهيهيهي .. تمويه يعني .. اللي يبي هالجواتي لازم ياخذ مقاس اكبر من مقاسه لانها خشبيه وماتتمدد فالمفروض ياخذ اكبر علشان مايعوره ريله بالمشي لان الريل تفرش بالمشي .. هذا الملخص المفيد بخصوص الجواتي او الاحذيه الخشبيه .. وبعد شوي بنروح مصنع الجبن والطواحين و اقول لكم شنو المهم .. وشكرا شكرا
Klompenfabriek Marken
Klompenfabriek Marken
1.1.12
بطاط هولندا الشهير
هالمحل عنده زحمه العالم كلهم واقفين و ينقنقون بهالبطاط .. جربته .. حلو بس الجبن فيه ماسترد على فلفل .. وانا ما اكل فلفل فكان موعاجبني الجبن .. بس بطاط بالمايونيز بروحه لذيييذ
Subscribe to:
Posts (Atom)