Dinner at Capurro's - Sea Food Restaurant

هذا احلى واقوى و الذ مطعم بحري في سان فرانسيسكو علشان جذي رديت له و طلبت نفس الطبق اللي ذاك اليوم طلبته .. المطعم وايد نظيف و اكله لذيذ .. حبيته من كل قلبي .. وشكرا شكرا

Dinner at Serious Pie - Seattle

هذا المطعم يقدم معجنات لذيذه و مشهور بسياتل .. طلبت منه بيتزا بالجبن و المشروم .. بس ماحبيتها وايد اختياري كان فاشل .. و رفيجتي طلبت منه مارغاريتا كانت وايد لذيذه انصحكم فيها .. و طلبنا مع البيتزا سلطه بينا احنا الثنتين .. كانت حلوه السلطه .. ملاحظه .. البيتزا الوحده تكفي شخصين .. انا ماكليت الا قطعتين لاني كنت يوعانه و الباجي تم على عداله ماحبيت المشروم كلش .. مادري شنو نوع مشرومهم مو بورتابيلو ولا العادي الابيض الصغار .. نوع يديد علي نكهتة وايد قويه .. وشكرا شكرا

Dinner at Ivars SeaFood Bar - Seattle

احب الاكل البحري وايد .. وماعندي مانع كل يوم اكله .. طلبت من هالمطعم طبق ربيان مقلي لذيذ .. كان كبار الربيان مو صغار .. راهي .. و معاه شبس

 

Breakfast at Fonte (coffee roaster) - Seattle

الساعه الحين ثمان ونص الصبح .. و حان وقت الريوق .. هالمطعم مو بعيد يمنا مشي بو خمس دقايق .. طلبنا جيز اومليت و كرواسونه .. وشكرا شكرا

The Cheesecake Factory - Seattle

انا اول مره ادشه الصراحه .. وانصدمت .. لانهم طلعوا نفسنا بالكويت طوابير و دور عالمطاعم هذي .. الكيك شكله يشوق بس للاسف ماحالفني الحظ اجربه لاني طفحت من الاكل هيهيهيههيي .. يبيله المره اليايه بس كيك و كوفي .. الطلب اللي طلبته كان غدا و عباره عن كوسى بطبقه مقرمشه مقليه .. و معاها صوص لذيذ .. و ربيان بالصوص الحار بس قلت له يشيله لاني ما اكل فلفل و اكتفيت بالصوص مال الكوسى اللذيذ .. الطبقين من المبقبلات بالمنيو ويكفون لشخصين .. كانو وايد علي و قثوني .. وطبق الكوسى مو متوفره بكل مكان ترا .. و شكرا شكرا

Breakfast at Eltana (wood fired bagel cafe) - Seattle

 

 

Lunch At The Diner - Harrods

هالطبقين اهم المفضلين عندنا .. شريمب بوب كورن .. و شريمب كاساديا .. وايد حبيناهم .. الشريمب كاساديا شوي دسمه بس حلوه .. اللي ماجربه خل يجربه .. هالطبقين شيرنق بيني وبين رفيجتي ممتاز .. اكثر من النص يصير وايد ترا  

 

وشكرا شكرا

 

 

Breakfast At Thistle Marble Arch Hotel - 7.11.2012 UK

انا قلت حق امي ان يابتلي نفسه يطبخلنا بدال الطباخه اللي عندنا ماراح اطلب من مطاعم الا مره بالشهر .. يفتح النفس .. شزينه و نظييييف هيهيههيهيهيه .. خليته يسويلي بيضه بالمشروم و الطماطم و الجبنه .. وهذا طبق الريوق .. نخلص ونروح نحرق .. الفلوس طبعا مو الكالريز هيهيههيهيهي  .. وشكرا شكرا
 

Lunch at Ask Italian - UK 2012

الغداء كان بمطعم اسك .. قريب من الفندق .. كان اقتراح  نور .. وحده من اهلي كنت مواعدتنا لي رحت لندن اشوفها .. رحنا انا و ميم ونور حق المطعم .. و اقترحت علينا جم طبق .. وكان الطبق الكاسح اهو المشروم .. عباره عن توست محمص بالزبده وفوقه مشرومه .. بس طبق عجيب .. وايد حبيته .. وشكرا شكرا

Wafi Gourmet - Qatar

وجبة اليوم كانت بعد المغرب (غداء + عشاء) .. من مطعم وافي غورميه اللبناني .. خذيت طبق سلطه مكون سلطه (اربع انواع اختارها حسب ذوقي) .. و طبق شيش طاووق متبل بالروب .. ماعون السلطه كان لذيذ و يشبع بروحه الشيش طاووق ماله داعي بس هم حلو ترا .. احلى شي بالسلطه الحمص و الورق عنب بالزيت .. الحمص كان حويمض شحلوه .. والورق عنب اصلي لبناني .. وشكرا شكرا

Lunch + Dinner at Red Lobster - Qatar

من امس مشتهيه اكل بحري .. بالصدفه واحنا رايحين المجمع لجحته رفيجتي .. مايبيله .. اكيد فوق تحت و نقطه نظام لول .. طلبت ربيان مخبوز عالخشب بصلصه الزبده مع عيش .. و بطاطس مخبوزه .. المطعم مبطل بقطر من شهرين يقول و اللي بالكويت راح يفتح بنهايه اغسطس او سبتمبر ان شاء الله

وشكرا شكرا

Lunch at Pizza & Grill Restaurant - Kempinski Ishtar Hotel

اخر وجبه راح ناكلها بالبحر الميت نخلص ونطلع المطار على طول .. هذا المطعم ايطالي الله يسلمكم .. يابولنا الصمون اللذيذ مع التغميسه مالت زيت الزيتون و خل البلسميك .. و طلبت لي بيتزا سي فود .. مكوناتها سمج و خثاق و محار و ربيان .. زفره نوعا ما بس انا احب الزفر هيهيهيهيهيهي .. حلوه بس مو واو .. وشكرا شكرا

Good Morning - Breakfast Time :D

هذا شكل الغرفه من بره باول صوره .. جميله المنظر مو؟ .. جنها شاليه .. و خطوتين لي المطعم مال الريوق .. اليوم قاعدين من الفير بما ان راح نرد الديره فقلنا نستغل الوقت بالسباحه والتان .. بالنسبه حق الريوق حطيت كل شي علبو بذوق .. و مو كل شي عجبني فحطيت اليوم اللي عجبني .. وشكرا شكرا