طلعنا من الصبح نتمشى ونكتشف المنطقه .. فحسينا ان نبي اسبريسو و بان كيك .. شفتا هذا الكافيه و كنا بنجربه لان الاساسي اللي نبيه ماندري وينه ضيعنا مكانه هيههيهيهي .. المهم .. طلبنا بيري بان كيك مع اسبريسو .. كانت حلوه بس مو واو .. وشكرا شكرا
1.1.12
ثالث يوم بالسفره - امستردام
طلعنا من الصبح نتمشى ونكتشف المنطقه .. فحسينا ان نبي اسبريسو و بان كيك .. شفتا هذا الكافيه و كنا بنجربه لان الاساسي اللي نبيه ماندري وينه ضيعنا مكانه هيههيهيهي .. المهم .. طلبنا بيري بان كيك مع اسبريسو .. كانت حلوه بس مو واو .. وشكرا شكرا
وصلنا الفندق اخيرا
وصلنا الفندق عالساعه ٢ الفير .. واحنا نتمشى بالطريج كان في واحد اهبل قال لي "نايس لوقج" علشان لون الجنطه الظاهر .. وحياتكم ماثناها .. انكسر ويل وصارت عريه .. يابووويترا تأزمت من المغامرات ههههه بس عاد .. ابي وقت مستقطع
وشكرا شكرا
Sent from NooN's iPhone✌😁
Amsterdam New Year's 2012 Fireworks - Video
احتفالات راس السنه 2012 في امستردام كانت في الشوارع .. كل الشوارع تشب الوان واشكال .. الظلام دامس و السما ملونه اشكال و الوان و حركات بالارض و بالسما و ريحه بارود و شي لا ينسى الصراحه .. تكلمت عن اللي صار لنا براس السنه في موضوع سابق بس اهم شي انا لحقنا على الاحتفالات اللي استمرت ساعات طويله .. بخصوص الشعب الهولندي صج والله والله اتعب وانا اقول شعب طيب وحبوب
وشكرا شكرا
HapPy nEw YeaR 2012
صارت راس السنه واحنا نحوس بهالتاكسي الخبل .. مليون مره يفر فينا و مايدل .. عصبنا عليه و قلناله بننزل .. نزلنا و صورنا والكل مستغرب شلون توكم واصلين بالظبط الساعه ١٢ ههههههه .. و اثنين علقوا ان كل هذا ترحيب لكم .. طبعا الشوارع كلها جراغيات والسما الوان و اشكال .. و ناس تحتفل ومهيصه .. شعبهم طيب و عسل و يعزمون .. يحليلهم .. بعكس الالمان العسرين مالت عليهم .. المهم .. كان مطر خفيف يطق ويوقف .. و تعبنا واحنا ندور الفندق .. وللاسف ماكو تاكسي ياخذنا من مكانا لان الناس واقفين بالشوارع تجمعات وماكو ممر للسيارات .. بالغصب لقينا واحد يوصلنا لما طلعنا صوب الشارع الرئيسي و شوي و نوصل الفندق .. كل عام وانتم بخيروشكرا شكرا
راح اصعد لكم فيديو الجراغيات لي رديت الكويت ان شاء الله
Sent from NooN's iPhone✌
31.12.11
باقي اخر خطوه و نوصل امستردام .. التاكسي
الساعه الحين 8.45 مساءً .. ركبنا تاكسي اخيرا بعد مشاورات طويله ينفقون منو يروح و منو معاه .. لان احنا كلنا ١٤ شخص .. اثنين مادري وين يبون و الباجي كلهم امستردام .. المهم .. ركبنا و بغط شوي على مانوصل لان هذي حوستنا من خمس الفير لي الحين .. راح اليوم كله بدون استفاده
وشكرا شكرا
Sent from NooN's iPhone✌
شنو صار لما راح عنا القطار؟
ميم تبجي و معصبه وانا مادري شسوي .. حاولت اهديها وافهمها ان لازم نروح الانفورميشن لان في معانا ناس و قالوا راح يودونا امستردام .. بس ميم مافهمتني الا لما شافت شله نفس حالتنا .. اهني ارتاحت شوي .. كنا كلنا سبع اشخاص .. انا واهي .. و ثلاثه من المانيا ربع .. و واحد ومرته من البرازيل .. حبيت البرازيليين وايد .. حليوين .. المهم اللي صار .. قالولنا تصعدون القطار لي مادري وين .. تالي تروحون بتاكسي لي امستردام .. هني كيفت ميم و الظحكه ترست الويه .. الحمد لله .. عاد انا الحين قاعده اكتب من القطار والساعه الحين 7.26 مساءً .. إن شاء الله نوصل امستردام حسب كلامهم عالعشر ونص مساءا و نلحق على راس السنه هناك :)
احتاج قهوه بهاللحظه
وشكرا شكرا
Sent from NooN's iPhone✌
Subscribe to:
Posts (Atom)